UNEC Tələbə Həmkarlar İttifaqı Komitəsi
“Təhsil millətin gələcəyidir!”
— Heydər Əliyev
Azərbaycan Təhsil İşçiləri
Azad Həmkarlar ittifaqı
Oktyabrın 6-sı II Qarabağ müharibəsində döyüşərək şəhidlik zirvəsinə ucalmış UNEC məzunu Verdiyev İsaxın anım günü idi.
- Əsas Səhifə
- Xəbərlər
- Oktyabrın 6-sı II Qarabağ müharibəsində döyüşərək şəhidlik zirvəsinə ucalmış UNEC məzunu Verdiyev İsaxın anım günü idi.
Oktyabrın 6-sı II Qarabağ müharibəsində döyüşərək şəhidlik zirvəsinə ucalmış UNEC məzunu Verdiyev İsaxın anım günü idi.
Şəhidin anım günü münasibətilə şəhidin ailə üzvləri, UNEC THİK sədri İlkan Əliyev,UNEC Tələbə-rektor Nihad İsgəndərov və fəal tələbələr əziz xatirəsini ehtiramla yad edərək, məzarı önünə gül dəstələri qoyublar.
Şəhidlik zirvəsi qəhrəmanlıq simvoludur. O, vətənə məhəbbətdən, torpağa, yurda bağlılıqdan irəli gəlir. Məhz bu sevgi, bir də 30 illik nifrət, qisas almaq əzmi Vətən müharibəsində qəhrəmanlığı alın yazısı seçən mərd oğullarımızı şəhidlik zirvəsinə yüksəltdi. Bu gün vətənimizin göylərində ruhu dolaşan, adı dillər əzbəri olan, ruhu önündə səcdə etdiyimiz şəhidlərdən biri də İsax Verdiyevdir.Verdiyev İsax Ədalət oğlu 1997-ci il sentyabrın 21-də Tərtər şəhərində anadan olub. Evin tək övladı idi. 5 dil bilən İsax Azərbaycan Dövlət İqtisad Universitetində oxuyarkən savadına görə 1 illik Türkiyədə təhsil almağa göndərilib.
Azərbaycan Ordusunun əsgəri olan İsax Verdiyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı könüllü olaraq Füzulinin azadlığı uğrunda gedən döyüşlərdə vuruşub. 05.10.2020-ci ildə Füzuli rayon istiqamətində düşmən üzərinə hücuma kecərkən şəhid olub. Ailəli idi, bir oğlu var.
Bizimlə əlaqə
+994 12 492 59 03 (daxili 1152)
adiu-thik@atiahi.org
Azərbaycan, Bakı şəhəri, İstiqlaliyyət, 6 (UNEC I tədris binası)
